Шри Чинмој

Роден како Чинмој Кумар Гош, во малото село Шакпура во Источен Бенгал (денешен Бангладеш), во 1931-вата година, Шри Чинмој беше најмладиот од седумте деца. Во 1944- тата година, откако починаа неговите родители, 12-годишниот Чинмој му се придружи на ашрамот на Шри Ауробиндо - духовна заедница близу Пондичери во Јужна Индија. Таму ги поминува следните дваесет години во духовна дисциплина, вклучувајќи долгочасовни медитации, атлетика, пишување поезија, есеи и духовни песни.

Во неговите тинејџерски години, Чинмој имаше многу длабоки внатрешни искуства и за неколку години постигна многу напредно ниво на медитација. Во 1964-тата година се пресели во Њујорк за да го сподели своето внатрешно богатство со искрените трагачи од Западот.

Шри Чинмој го гледа тежнението – непрестајниот копнеж на срцето кон секогаш повисока и подлабока реалност – како духовна сила што стои зад сите големи успеси во религијата, културата, спортот и науката.

Со живеење во срцето и тежнеење кон постојано себенадминување, мажите и жените можат да го извадат на површина најдобротo од себе и да си го пронајдат патот кон вистинско исполнување. Тој вели:

„Нашата цел е да одиме од светло кон посветло, кон најсветло; од високо кон повисоко, кон највисоко. Дури и во највисокото не постои крај на нашиот напредок затоа што Бог Самиот е внатре во секој од нас и Бог во секое време ја надминува Сопствената Реалност.“

Шри Чинмој им служи како духовен во- дач на ученици во 60-тина земји во светот, охрабрувајќи балансиран животен стил, вкрстувајќи ја внатрешната дисциплина на молитва и медитација со динамизмот на современиот живот.

Животот на Шри Чинмој беше израз на неограничена креативност. Неговиот широк опсег ги опфаќа подрачјето на музиката, поезијата, сликањето, литературата и спортот. Неговиот придонес во секое од овие полиња е вчудоневидувачки и далеку опсежен.

Шри Чинмој редовно патуваше низ светот за да понуди бесплатни концерти, предавања и јавни медитации, да се сретне со неговите ученици, како и со светски и општествени лидери. Шри Чинмој не наплатуваше за неговото духовно водство, концерти, предавања и јавни медитации.

Шри Чинмој влезе во Махасамади – мистичен процес преку кој духовните Учители го напуштаат телото, на 11-ти октомври 2007-мата година.

Повеќе за Шри Чинмој